Мўминлар онаси Оиша розияллоҳу анҳо айтдилар:

«Набий соллоллоҳу алайҳи васаллам олдимга келиб: «Ҳузурингда нонушта борми?», деб сўрар, мен: «Йўқ», десам, у зот: «(Унда) мен рўзадорман», дер эдилар. Бир куни олдимга келдилар. Мен: «Эй Аллоҳнинг Расули, бизга ҳадя берилган эди», дедим. У зот: «Нима экан у?», дедилар. Мен: «Ҳайс*», дедим. У зот: «Мен рўзадор ҳолда тонг оттирган эдим», деб (уни) едилар».

* Қуриган хурмо, ёғ ва пишлоқ аралаштириб тайёрланган таом.

Бу ерда Пайғамбаримиз соллоллоҳу алайҳи васаллам аёлларига хурсандчилик улашиш мақсадида, тутган нафл рўзаларини бузиб, Оиша онамиз тортиқ қилган таомдан танавул қилганлари айтилмоқда.