129/2. Ибн Аббос розияллоҳу анҳу холалари Маймуна розияллоҳу анҳонинг уйларида ётиб қолганларида, Набий соллаллоҳу алайҳи васалламнинг тунги намозлари ҳақида кўрганларини қуйидагича зикр қилдилар: «Расулуллоҳ соллаллоҳу алайҳи васаллам саждадан бошларини кўтарсалар:

رَبِّ اغْفِرْ لِي وَارْحَمْنِي وَاجْبُرْنِي وَارْفَعْنِي وَارْزُقْنِي وَاهْدِنِي وَعَافِنِي

«Роббиғфирлий варҳамний важбурний варфаъний варзуқний ваҳдиний ва ъафиний», деб айтар эдилар».

(Маъноси: Эй Раббим, гуноҳларимни кечир, менга раҳм қил, менга ёрдам бер, мени олий мартабаларга кўтар, менга ризқ бер, мени ҳидоятда ва офиятда қил.)

Имом Байҳақий ривояти.

Абу Довуднинг ривоятида "Ва ъафиний" сўзи зиёда қилинган.

Фасл: Икки сажда орасидаги оҳиста ўтириш ҳам суннат амаллардандир. Бу ҳақда саҳиҳ Бухорий ва бошқа ҳадис китобларида келган. Мазкур амални Расулуллоҳ соллаллоҳу алайҳи васаллам бажарганлар.