197/28. Ибн Аббос розияллоҳу анҳумодан ривоят қилинади:

«Расулуллоҳ соллаллоҳу алайҳи васалламга бир киши бало‑офатлар етаётганидан шикоят қилди. Шунда Расулуллоҳ соллаллоҳу алайҳи васаллам: «Агар тонг оттирсанг:

بِاسْمِ اللهِ عَلَى نَفْسِي وَأَهْلِي وَمَالِي

«Бисмиллаҳи ъала нафсий ва аҳлий ва малий», деб айт, шунда сенга бирор нарса етмайди», дея насиҳат қилдилар. Ҳалиги киши шу дуони ўқиган эди, ундан офатлар кўтарилди».

(Маъноси: Нафсимда, аҳлимда ва молимда Сенинг исминг билан бошлайман.) Ибн Сунний заиф иснод ила ривоят қилганлар.