Уккоша ибн Миҳсоннинг синглиси Умму Қайс бинт Миҳсон розияллоҳу анҳумодан ривоят қилинади:

«Расулуллоҳ соллаллоҳу алайҳи васалламнинг ҳузурларига ҳали овқатга кирмаган ўғлимни олиб кирган эдим, у зотнинг устиларига бавл қилиб қўйди. Шунда у зот сув опкелтириб, унинг устига сепдилар.

У зотнинг ҳузурларига ўғлим билан кирдим. Унинг шишган безини босиб қўйган эдим. У зот шундай дедилар: «Нимага болаларингизни бундай қилиб (безини) босиб қийнайсизлар? Сизлар мана бу увди ҳиндини ишлатинглар. Унда еттита шифо бор. Улардан бири зотилжам. Томоқ бези шишганда бурундан томизилади, зотилжамга эса ичирилади».

Имом Бухорий, Муслим, Термизий, Насаий, Абу Довуд ва Ибн Можа ривоят қилишган.

* Увди ҳиндий (қустул ҳиндий) – Ҳинд, Хитой ерларида ўсадиган қуст номли дарахтнинг илдизидан олинадиган чўп.