321.521 Ибн Шиҳобдан ривоят қилинади:
«Бир куни Умар ибн Абдулазиз намозни кечиктирди. Шунда унинг ҳузурига Урва ибн Зубайр кириб, бундай деди: «Бир куни Муғийра ибн Шуъба Ироқдалигида намозни кечиктирди. Шунда Абу Масъуд Ансорий унинг олдига кириб, деди: «Бу нимаси, эй Муғийра?! Билмасмидинг, Жаброил тушиб, намоз ўқиди, Расулуллоҳ соллаллоҳу алайҳи васаллам ҳам намоз ўқидилар; сўнг намоз ўқиди, Расулуллоҳ соллаллоҳу алайҳи васаллам ҳам намоз ўқидилар; сўнг яна намоз ўқиди, Расулуллоҳ соллаллоҳу алайҳи васаллам ҳам намоз ўқидилар; сўнг яна намоз ўқиди, Расулуллоҳ соллаллоҳу алайҳи васаллам ҳам намоз ўқидилар; сўнг яна намоз ўқиди, Расулуллоҳ соллаллоҳу алайҳи васаллам ҳам ўқидилар. Сўнгра (Жаброил:) «Мана шунга буюрилгансиз», деган эди».
Умар (ибн Абдулазиз) Урвага: «Нима деяётганингни билиб гапир! Расулуллоҳ соллаллоҳу алайҳи васалламга намоз вақтини Жаброилнинг ўзи белгилаб берган эканми?» деди.
Урва: «Башир ибн Абу Масъуд отасидан шундай ривоят қиларди», деди».
321/521 - عَنْ أَبِي مَسْعُودٍ الْأَنْصَارِيُّ رَضِيَ الله عَنْهُ: أنَّهُ دَخَلَ عَلَى الـمُغِيرَةَ بْنِ شُعْبَةَ وَقَدْ أخَّرَ الصَّلَاةَ يَوْمًا، وَهُوَ بِالعِرَاقِ، فَقَالَ: مَاهَذَا يَا مُغِيرَةُ، أَلَيْسَ قَدْ عَلِمْتَ أَنَّ جِبْرِيلَ عليه السلام نَزَلَ فَصَلَّى، فَصَلَّى رَسُولُ اللهِ صلى الله عليه وسلم ثُمَّ صَلَّى، فَصَلَّى رَسُولُ اللهِ صلى الله عليه وسلم ثُمَّ صَلَّى، فَصَلَّى رَسُولُ اللهِ صلى الله عليه وسلم ثُمَّ صَلَّى، فَصَلَّى رَسُولُ اللهِ صلى الله عليه وسلم ثُمَّ صَلَّى، فَصَلَّى رَسُولُ اللهِ صلى الله عليه وسلم، ثُمَّ قَالَ: «بِـهَذَا أُمِرْتَ».