365.604 Нофеъ хабар қилади:
«Ибн Умар розияллоҳу анҳумо айтар эди: «Мусулмонлар Мадинага келишганида тўпланиб, намоз вақтини белгилаб олишарди. Унга (намозга) чақирилмас эди. Бир куни шу ҳақда гаплашиб қолишди. Баъзилари: «Насронийларнинг қўнғироғи каби қўнғироқ қилиб олинглар», деса, баъзилари: «Яҳудийларнинг мугузи* каби бурғу* қилиб олинглар», деди. Шунда Умар: «Намозга чақирадиган бир кишини қўймайсизларми?» деди. Шунда Расулуллоҳ соллаллоҳу алайҳи васаллам: «Эй Билол, тур, намозга чақир!» дедилар».
* Мугуз – ҳайвон шохи.
* Бурғу – ичи шох шаклида кенгайиб борувчи пуфлаб чалинадиган асбоб.
365/604 - عَنْ ابْنِ عُمَرَ رَضِيَ الله عَنْهُمَا كَانَ يَقُولُ: كَانَ الْمُسْلِمُونَ حِينَ قَدِمُوا الْمَدِينَةَ يَجْتَمِعُونَ فَيَتَحَيَّنُونَ الصَّلَاةَ، لَيْسَ يُنَادَى لَهَا، فَتَكَلَّمُوا يَوْمًا فِي ذَلِكَ، فَقَالَ بَعْضُهُمْ: اتَّخِذُوا نَاقُوسًا مِثْلَ نَاقُوسِ النَّصَارَى، وَقَالَ بَعْضُهُمْ: بَلْ بُوقًا مِثْلَ قَرْنِ الْيَهُودِ، فَقَالَ عُمَرُ: أَوَلَا تَبْعَثُونَ رَجُلًا يُنَادِي بِالصَّلَاةِ؟ فَقَالَ رَسُولُ اللهِ صلى الله عليه وسلم: «يَا بِلَالُ، قُمْ فَنَادِ بِالصَّلَاةِ».