397.670 Анас розияллоҳу анҳу айтади:
«Ансорийлардан бир киши (Расулуллоҳ соллаллоҳу алайҳи васалламга:) «Мен сиз билан бирга намоз ўқий олмаяпман», деди. У жуда семиз киши эди. Кўп ўтмай у Набий соллаллоҳу алайҳи васаллам учун таом тайёрлаб, уйига чақирди. Бўйра тўшади ва бўйранинг бир тарафига сув сепди. У зот унинг устида икки ракат намоз ўқидилар».
Жорудлар оиласидан бир киши Анасдан: «Набий соллаллоҳу алайҳи васаллам зуҳо намозини ўқиганмидилар?» деб сўради. «Бундан бошқа куни уни ўқиганларини кўрган эмасман», деди.
Изоҳ: Уламолар «Анас розияллоҳу анҳунинг бир ўзлари Набий алайҳиссаломнинг зуҳо намози ўқиганларини бир марта кўрганлари бу намознинг бошқа пайтда ўқилмаганлигига далил бўла олмайди», дейишган. Пайғамбар соллаллоҳу алайҳи васаллам Маккага борганларида Умму Ҳониъ розияллоҳу анҳоникида зуҳо намозини ўқиганлари маълум ва машҳур.
397/670 – عَنْ أنَسٍ رَضِيَ الله عَنْهُ قَالَ: قَالَ رَجُلٌ مِنَ الْأَنْصَارِ: إِنِّي لَا أَسْتَطِيعُ الصَّلَاةَ مَعَكَ، وَكَانَ رَجُلًا ضَخْمًا، فَصَنَعَ لِلنَّبِيِّ صلى الله عليه وسلم طَعَامًا، فَدَعَاهُ إِلَى مَنْزِلِهِ، فَبَسَطَ لَهُ حَصِيرًا، وَنَضَحَ طَرَفَ الْحَصِيرِ، صَلَّى عَلَيْهِ رَكْعَتَيْنِ، فَقَالَ رَجُلٌ مِنْ آلِ الْجَارُودِ لِأَنَسٍ: أَكَانَ النَّبِيُّ صلى الله عليه وسلم يُصَلِّي الضُّحَى؟ قَالَ: مَا رَأَيْتُهُ صَلَّاهَا إِلَّا يَوْمَئِذٍ.