402.680 Зуҳрий деди:
«Анас ибн Молик Ансорий розияллоҳу анҳу менга бундай хабар қилди – у Набий соллаллоҳу алайҳи васалламга эргашиб юрар, хизматларини қилар ва у зот билан бирга бўларди – «Набий соллаллоҳу алайҳи васалламнинг вафотларидан олдинги бетобликларида Абу Бакр уларга (жамоатга) намоз ўқиб берар эди. Душанба куни намозга саф тортиб туришганида, Набий соллаллоҳу алайҳи васаллам ҳужра пардасини очдилар ва тик туриб бизга қарадилар. Юзлари тиниқ, нуроний эди. Сўнгра кулимсираб, табассум қилдилар. Набий соллаллоҳу алайҳи васалламни кўриб, хурсанд бўлганимиздан, чалғиб қолай дедик. Абу Бакр сафга қўшилиб олиш учун ортига тисарилди. У Набий соллаллоҳу алайҳи васалламни намозга чиқадилар деб ўйлаганди. Набий соллаллоҳу алайҳи васаллам «Намозингизни тугаллайверинг», дегандай ишора қилдилар ва пардани туширдилар. У зот ўша куни вафот этдилар».
402/680 – عَنْ أنَسٍ رَضِيَ الله عَنْهُ: أَنَّ أَبَا بَكْرٍ رَضِيَ الله عَنْهُ كَانَ يُصَلِّي لَهُمْ فِي وَجَعِ النَّبِيِّ صلى الله عليه وسلم الَّذِي تُوُفِّيَ فِيهِ، حَتَّى إِذَا كَانَ يَوْمُ الْاِثْنَيْنِ، وَهُمْ صُفُوفٌ فِي الصَّلَاةِ، فَكَشَفَ النَّبِيُّ صلى الله عليه وسلم سِتْرَ الْحُجْرَةِ، يَنْظُرُ إِلَيْنَا وَهْوَ قَائِمٌ، كَأَنَّ وَجْهَهُ وَرَقَةُ مُصْحَفٍ، ثُمَّ تَبَسَّمَ يَضْحَكُ، فَهَمَمْنَا أَنْ نَفْتَتِنَ مِنَ الْفَرَحِ بِرُؤْيَةِ النَّبِيِّ صلى الله عليه وسلم، فَنَكَصَ أَبُو بَكْرٍ عَلَى عَقِبَيْهِ لِيَصِلَ الصَّفَّ، وَظَنَّ أَنَّ النَّبِيَّ صلى الله عليه وسلم خَارِجٌ إِلَى الصَّلَاةِ، فَأَشَارَ إِلَيْنَا النَّبِيُّ صلى الله عليه وسلم: أَنْ أَتِمُّوا صَلَاتَكُمْ، وَأَرْخَى السِّتْرَ، فَتُوُفِّيَ صلى الله عليه وسلم مِنْ يَوْمِهِ.