458.821 Собит Анас розияллоҳу анҳудан ривоят қилади:

«Набий соллаллоҳу алайҳи васалламнинг бизга намоз ўқиб берганларини кўрганимдек қилиб сизларга намоз ўқиб беришни канда қилмайман».

Собит айтади: «Анас сизлар қилмайдиган нарсаларни ҳам қилар эди: рукуъдан бошини кўтарганида туриб қолар, кўрган киши «(Саждага кетишни) унутиб қўйди», дер эди. Икки сажда орасида ҳам туриб қолар, кўрган киши «(Иккинчи саждани) унутиб қўйди», дер эди».