784.1567. Бизга Одам сўзлаб берди:

«Шуъба қуйидагича сўзлаб берди: «Абу Жамра Наср ибн Имрон Зубаъий бизга бундай деб хабар қилди: «Таматтуъ қилган эдим, баъзи одамлар мени қайтаришди. Шунда Ибн Аббос розияллоҳу анҳумодан сўраган эдим, у менга (таматтуъ қилишни) буюрди. Кейин туш кўрдим, гўё бир киши менга: «Мабрур ҳаж ва мақбул умра!» дер эди. Ибн Аббосга айтган эдим, у: «Набий соллаллоҳу алайҳи васалламнинг суннатлари-да», деди ва: «Менинг ҳузуримда туриб тур, сенга молимдан улуш ажратайин», деди».

Шуъба айтади: «Мен: «Нима учун?» дедим. У (Абу Жамра): «Кўрган тушим учун», деди».