960.2035. Набий соллаллоҳу алайҳи васалламнинг жуфти ҳалоллари Сафийя розияллоҳу анҳо бундай хабар қилади:
«У Рамазоннинг охирги ўн кунлигида Расулуллоҳ соллаллоҳу алайҳи васаллам масжидда эътикоф ўтирганларида у зотни зиёрат қилгани келди. Ҳузурларида бир муддат гаплашиб, сўнг қайтиш учун турди. Набий соллаллоҳу алайҳи васаллам ҳам уни кузатиб қўйиш учун у билан бирга турдилар. У Умму Саламанинг эшиги олдидаги масжид эшигига етганида ансорлардан икки киши ўтиб қолиб, Расулуллоҳ соллаллоҳу алайҳи васалламга салом беришди. Шунда Набий соллаллоҳу алайҳи васаллам икковларига: «Шошманглар, ахир бу Сафийя бинт Ҳуяй-ку!» дедилар. Улар: «Субҳаналлоҳ, эй Аллоҳнинг Расули!» дейишди ва бу уларга оғир ботди. Шунда Набий соллаллоҳу алайҳи васаллам: «Албатта, шайтон инсоннинг қони етган жойигача етиб боради. Мен унинг қалбингизга бирон нарса ташлашидан қўрқдим», дедилар».
960/2035 - عَنْ صَفِيَّةَ رَضِيَ الله عَنْهَا زَوْجَ النَّبِيِّ صلى الله عليه وسلم: أنَّهَا جَاءَتْ رَسُولَ الله صلى الله عليه وسلم تَزُورُهُ فِي اعْتِكَافِهِ فِي الْمَسْجِدِ، فِي الْعَشْرِ الْأَوَاخِرِ مِنْ رَمَضَانَ، فَتَحَدَّثَتْ عِنْدَهُ سَاعَةً، ثُمَّ قَامَتْ تَنْقَلِبُ، فَقَامَ النَّبِيُّ صلى الله عليه وسلم مَعَهَا يَقْلِبُهَا، حَتَّى إِذَا بَلَغَتْ بَابَ الْمَسْجِدِ عِنْدَ بَابِ أُمِّ سَلَمَةَ، مَرَّ رَجُلَانِ مِنَ الْأَنْصَارِ، فَسَلَّمَا عَلَى رَسُولِ اللهِ صلى الله عليه وسلم، فَقَالَ لَهُمَا النَّبِيُّ صلى الله عليه وسلم: «عَلَى رِسْلِكُمَا، إِنَّمَا هِيَ صَفِيَّةُ بِنْتُ حُيَىٍّ». فَقَالَا: سُبْحَانَ اللهِ يَا رَسُولَ اللهِ، وَكَبُرَ عَلَيْهِمَا، فَقَالَ النَّبِيُّ صلى الله عليه وسلم: «إِنَّ الشَّيْطَانَ يَبْلُغُ مِنَ الْإِنْسَانِ مَبْلَغَ الدَّمِ، وَإِنِّي خَشِيتُ أَنْ يَقْذِفَ فِي قُلُوبِكُمَا شَيْئًا».