1343.3242. Абу Ҳурайра розияллоҳу анҳу айтади:

«Набий соллаллоҳу алайҳи васалламнинг ҳузурларида эдик. Шу пайт: «Уйқудалигимда Тушимда ўзимни жаннатда кўрдим. Қарасам, бир аёл бир қасрнинг ёнида таҳорат оляпти. «Бу қаср кимники?» дедим. «Умар ибн Хаттобники», дейишди. Унинг рашкчилиги эсимга тушиб, ортимга ўгирилиб кетдим», дедилар. Шунда Умар йиғлаб юборди ва: «Сиздан ҳам рашк қиламанми, эй Аллоҳнинг Расули?» деди».