1352.3267. Абу Воилдан ривоят қилинади:

«Усомага: «Фалончининг олдига бориб, у билан гаплашсанг бўларди»,* дейишди. У шундай деди: «Сизлар мени у билан гаплашиб, сизларга албатта эшиттиради, деб ўйлайсизлар. Мен у билан яширинча, (фитна учун) эшик очмай гаплашаман. Уни биринчи бўлиб очувчи бўлмайман. Расулуллоҳ соллаллоҳу алайҳи васалламдан бир нарсани эшитганимдан бери менга бирор киши амир бўлса, уни энг яхши инсон деб ҳам айтмайман». «У зотнинг нима деяётганларини эшитгансан?» дейишди. У деди: «Мен у зотнинг бундай деяётганларини эшитдим: «Қиёмат куни бир кишини олиб келиб, дўзахга улоқтирилади. Шунда дўзахда унинг ичак-чавоқлари отилиб чиқиб кетади ва у худди эшак тегирмон тошини айлантирганидек айланиб қолади. Дўзах аҳли унинг тепасига тўпланиб: «Эй фалончи, сенга нима бўлди? Бизни яхшиликка буюриб, ёмонликдан қайтармасмидинг?» дейишади. У эса: «Мен сизларни яхшиликка буюриб, уни ўзим қилмас эдим, ёмонликдан қайтариб, уни ўзим қилар эдим», дейди».