1431.3516. Абдурраҳмон ибн Абу Бакра отасидан ривоят қилади:

«Ақраъ ибн Ҳобис Набий соллаллоҳу алайҳи васалламга: «Сизга Аслам, Ғифор, Музайналикларнинг [Менимча,* Ибн Абу Яъқуб «ва Жуҳайналикларнинг», деб иккиланган] ҳожиларни туновчилари байъат беришди, холос», деди. Набий соллаллоҳу алайҳи васаллам: «Айт-чи, Аслам, Ғифор, Музайна [менимча, «ва Жуҳайна»] Бану Тамим, Бану Омир, Асад ва Ғатафондан яхшироқ бўлса-чи? (Унда) булар ноумид бўлиб, зиёнда қолган бўладими?» дедилар. (Ақраъ:) «Ҳа», деди. Шунда у зот: «Жоним қўлида бўлган Зотга қасамки, улар булардан яхшидирлар», дедилар».

* Ибн Абу Яъқуб – ҳадиснинг ровийларидан бири. Бу ердаги «менимча» деган сўз ҳадисни ундан ривоят қилган Шуъбага тегишлидир.