1481.3642, 3643. Бизга Алий ибн Абдуллоҳ сўзлаб берди: «Бизга Суфён хабар берди: «Шабиб ибн Ғарқада бизга сўзлаб берди:

«Мен бир маҳалла кишиларининг Урвадан қуйидагича ривоят қилганини эшитдим: «Набий соллаллоҳу алайҳи васаллам унга бир қўй сотиб олиб келиш учун бир динор берибдилар. (Урва) унга иккита қўй сотиб олибди‑да, биттасини бир динорга сотиб, у зотга бир динор ва бир қўй олиб келибди. Шунда у зот унинг олди‑сотдисига барака тилаб, ҳаққига дуо қилибдилар. У тупроқ сотиб олса ҳам фойда кўрадиган бўлиб кетди».

Суфён айтади: «Ҳасан ибн Умора бу ҳадисни бизга ундан (Урвадан) келтириб, «Буни Шабибнинг ўзи Урвадан эшитган экан», деди. Кейин мен Шабибнинг олдига келган эдим, у деди: «Мен уни Урвадан эшитмаганман, бир маҳалла кишиларининг ундан ривоят қилаётганларини эшитганман. Лекин мен унинг шундай деяётганини эшитдим: «Мен Набий соллаллоҳу алайҳи васалламнинг «Отнинг қошёлларига то қиёматгача яхшилик боғлаб қўйилган», деяётганларини эшитганман». Мен унинг ҳовлисида етмишта от кўрдим».

Суфён айтади: «(Урва) у зот учун битта совлиқ сотиб олди. Қурбонлик бўлса керак».