1627.4324. Умму Салама розияллоҳу анҳодан ривоят қилинади:
«Ҳузуримга Набий соллаллоҳу алайҳи васаллам кирдилар. Олдимда хотинчалиш одам бор эди. Унинг Абдуллоҳ ибн Абу Умайяга: «Эй Абдуллоҳ, менга қара, эртага Аллоҳ сизларга Тоифни фатҳ қилиб берса, Ғайлоннинг қизидан қолма. Ўзиям олдидан тўрт қат, ортидан саккиз қат-да!» деганини эшитдим. Набий соллаллоҳу алайҳи васаллам: «Сизларнинг олдингизга булар ҳаргиз кирмасин!» дедилар».
Ибн Уяйна айтади: «Ибн Журайж: «(Ўша) хотинчалиш Ҳит эди», деган».
Маҳмуд бизга сўзлаб берди: «Абу Усома бизга буни Ҳишомдан сўзлаб берган ва «У зот ўша кунлари Тоифни қамал қилиб турган эдилар»ни қўшимча қилган».
1627/4324 - عَنْ أُمِّهَا أُمِّ سَلَمَةَ رَضِيَ اللهُ عَنْهَا قَالَتْ: دَخَلَ عَلَيَّ النَّبِيُّ صلى الله عليه وسلم وَعِنْدِي مُخَنَّثٌ، فَسَمِعْتُهُ يَقُولُ لِعَبْدِ اللهِ بْنِ أَبِي أُمَيَّةَ: يَا عَبْدَ اللهِ، أَرَأَيْتَ إِنْ فَتَحَ اللهُ عَلَيْكُمُ الطَّائِفَ غَدًا، فَعَلَيْكَ بِابْنَةِ غَيْلَانَ، فَإِنَّهَا تُقْبِلُ بِأَرْبَعٍ وَتُدْبِرُ بِثَمَانٍ، فَقَالَ النَّبِيُّ: صلى الله عليه وسلم لَا يَدْخُلَنَّ هَؤُلَاءِ عَلَيْكُنَّ.