1837.5357. Ибн Уяйнадан ривоят қилинади:
«Маъмар менга шундай деди: «Саврий менга: «Аҳли учун бир йиллик ёки бир йил‑ярим йиллик озиқ‑овқат жамғариб қўядиган киши ҳақида эшитганмисан?» деди. Эсимга келмади. Кейин бир ҳадисни эслаб қолдим. Ибн Шиҳоб Зуҳрий уни бизга Молик ибн Авсдан, у Умар розияллоҳу анҳудан ривоят қилиб, сўзлаб берган эди:
«Набий соллаллоҳу алайҳи васаллам Бану Назирнинг хурмосини сотар ва ўз аҳлларига бир йиллик озиқ‑овқатни ғамлаб қўяр эдилар».
1837/5357 - عَنْ عُمَرَ رَضِيَ الله عَنْهُ: أَنَّ النَّبِيَّ صلى الله عليه وسلم كَانَ يَبِيعُ نَخْلَ بَنِي النَّضِيرِ، وَيَحْبِسُ لِأَهْلِهِ قُوتَ سَنَتِهِمْ.