258.401 Иброҳим Алқамадан ривоят қилади:
«Абдуллоҳ розияллоҳу анҳу деди: «Набий соллаллоҳу алайҳи васаллам намоз ўқидилар. [Иброҳим: «Кўпайтириб юбордиларми, камайтирибми, билмайман», дейди.] Салом берганларида, «Эй Аллоҳнинг Расули, намозда бирон янгилик бўлдими?» дейилди. «Нима бўлди?» дедилар. «Сиз бундай-бундай намоз ўқидингиз», дейишди.
Шунда қиблага юзландилар, чўккаладилар ва иккита сажда қилдилар, сўнг салом бердилар. Бизга юзланиб: «Намозда бирон янгилик бўлганида, сизларга албатта хабар берган бўлар эдим. Лекин мен ҳам сизлар каби инсонман. Сизлар унутганингиз каби унутаман. Агар унутсам, эслатинг. Бирортангиз намозида иккиланса, тўғрисини (кўнгли таскин топганини) танласин ва шу асосда тугалласин. Кейин салом берсин, сўнг икки марта сажда қилсин», дедилар».
258/401 – عَنْ عَبْدِ الله بْنِ مَـسْعُودٍ رَضِيَ الله عَنْهُ قَالَ: صَلَّى النَّبِيُّ صلى الله عليه وسلم - قَالَ إِبْرَاهِيمُ الرَّاوِي عَنْ عَلْقَمَةَ الرَّاوِي عَنِ ابْنِ مَسْعُودٍ: لَا أَدْرِي، زَادَ أَوْ نَقَصَ - فَلَمَّا سَلَّمَ قِيلَ لَهُ: يَا رَسُولَ اللهِ أَحَدَثَ فِي الصَّلَاةِ شَيْءٌ؟ قَالَ: «وَمَا ذَاكَ؟» قَالُوا: صَلَّيْتَ كَذَا وَكَذَا، فَثَنَى رِجْلَيْهِ، وَاسْتَقْبَلَ الْقِبْلَةَ، وَسَجَدَ سَجْدَتَيْنِ، ثُمَّ سَلَّمَ. فَلَمَّا أَقْبَلَ عَلَيْنَا بِوَجْهِهِ قَالَ: «إِنَّهُ لَوْ حَدَثَ فِي الصَّلَاةِ شَيْءٌ لَنَبَّأْتُكُمْ بِهِ، وَلَكِنْ إِنَّمَا أَنَا بَشَرٌ مِثْلُكُمْ، أَنْسَى كَمَا تَنْسَوْنَ، فَإِذَا نَسِيتُ فَذَكِّرُونِي، وَإِذَا شَكَّ أَحَدُكُمْ فِي صَلَاتِهِ، فَلْيَتَحَرَّى الصَّوَابَ فَلْيُتِمَّ عَلَيْهِ، ثُمَّ يُسَلِّمْ، ثُمَّ يَسْجُدْ سَجْدَتَيْنِ».