286.461 Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Ушбу кеча жинларнинг ифрити намозимни бузиш учун тўсатдан олдимда пайдо бўлди [ёки шунга ўхшаш гап айтдилар]. Аллоҳ менга унга нисбатан устунлик берди. Ҳаммаларингиз эрталаб туриб, уни кўришингиз учун масжид устунларидан бирига боғлаб қўймоқчи бўлдим. Аммо биродарим Сулаймоннинг «Роббим, менга ўзимдан кейин бирор киши муяссар бўлмайдиган подшоҳликни ҳадя эт...» деган гапини эслаб қолдим», дедилар».
Равҳ (ровийлардан бири) айтади: «Кейин уни хору зор ҳолида ҳайдаб юбордилар».
Изоҳ: Ёмонликда учига чиққан ва қувватли жин-шайтон араб тилида «ифрит» дейилади. Бу сўз шайтонга ўхшаш одамга нисбатан ҳам ишлатилади.
286/461 - عَنْ أَبِي هُرَيْرَةَ رَضِيَ الله عَنْهُ، أنَّ النَّبِيَّ صلى الله عليه وسلم قَالَ: «إِنَّ عِفْرِيتًا مِنَ الْجِنِّ تَفَلَّتَ عَلَيَّ الْبَارِحَةَ - أَوْ كَلِمَةً نَحْوَهَا - لِيَقْطَعَ عَلَيَّ الصَّلَاةَ، فَأَمْكَنَنِي اللهُ مِنْهُ، فَأَرَدْتُ أَنْ أَرْبِطَهُ إِلَى سَارِيَةٍ مِنْ سَوَارِي الْمَسْجِدِ، حَتَّى تُصْبِحُوا وَتَنْظُرُوا إِلَيْهِ كُلُّكُمْ، فَذَكَرْتُ قَوْلَ أَخِي سُلَيْمَانَ: رَبِّ هَبْ لِي مُلْكًا لَا يَنْبَغِي لِأَحَدٍ مِنْ بَعْدِي».