313.505 Абдуллоҳ ибн Умар розияллоҳу анҳумодан ривоят қилинади:

«Расулуллоҳ соллаллоҳу алайҳи васаллам, Усома ибн Зайд, Билол ва Усмон ибн Т-А-лҳа Ҳажабийлар Каъбага киришди. (Усмон) у зотнинг устиларидан эшикни қулфлади. У зот Каъбада қолиб кетдилар. Қайтиб чиққанларида, Билолдан Набий соллаллоҳу алайҳи васаллам нима қилганларини сўрадим. «Бир устунни ўнг, бир устунни чап, учта устунни орт тарафларида қилиб – ўша пайтда Байт олти устунли эди – сўнгра намоз ўқидилар», деди.

Исмоил бизга Моликнинг (юқоридаги ҳадис ровийларидан бири) «Икки устунни ўнг тарафларига қилиб», деганини айтиб берган.