773. Анас розияллоҳу анҳудан ривоят қилинади:
«Расулуллоҳ соллаллоҳу алайҳи васалламга сув аралаштирилган сут келтирилди. Ўнг томонларида бир аъробий, чап томонларида эса Абу Бакр эди. У зот ўзлари ичдилар, сўнг аъробийга узатдилар ва: «Ўнг томондан, ўнг томондан», дедилар.
Муттафақун алайҳ.
Шарҳ: Ушбу ҳадиси шарифдан олинадиган хулосалар:
1. Сутга сув аралаштириб ичиш мумкинлиги.
Албатта, бу ичувчига билдирилган ҳолда ва ушбу ривоятдагига ўхшаган ўтиришларда бўлса. Аммо ҳийла тариқасида сутга сув аралаштириб сотиш ҳаромдир.
2. Кўпчилик ўтирганда ичимликни аввало энг афзал, муҳтарам шахсга тутиш лозимлиги.
3. Ундан кейин ўша муҳтарам шахснинг ўнг томонидаги кишига навбат келиши.
4. Сўнгра ўнг томондан давом этиб кетавериши.
773 - وَعَنْ أَنَسٍ رَضِيَ اللهُ عَنْهُ: أَنَّ رَسُولَ اللهِ صَلَّى اللهُ عَلَيهِ وَسَلَّمَ أُتِي بِلَبَنٍ قَدْ شِيْبَ بِمَاءٍ، وَعَنْ يَمِينِهِ أَعْرَابِيٌّ، وَعَنْ يَسَارِهِ أَبُو بَكْرٍ رَضِيَ اللهُ عَنْهُ، فَشَرِبَ، ثُمَّ أَعْطَى الأَعْرَابيَّ وَقَالَ: «الأَيمَنَ فَالأَيْمَنَ». مُتَّفَقٌ عَلَيهِ [خ 5619، م 2029].
قَولُهُ: «شِيبَ» أَي: خُلِطَ.