864. Имрон ибн Ҳусойн розияллоҳу анҳумодан ривоят қилинади:
«Бир киши Набий соллаллоҳу алайҳи васалламнинг ҳузурларига келиб, «Ассалому алайкум», деди. У зот унга алик олдилар. У ўтиргач, Набий соллаллоҳу алайҳи васаллам: «Ўнта (савоб)», дедилар. Сўнг бошқа бири келиб, «Ассалому алайкум ва роҳматуллоҳ», деди. У зот унга ҳам алик олдилар. У ўтиргач, у зот: «Йигирмата», дедилар. Сўнг яна бири келиб, «Ассалому алайкум ва роҳматуллоҳи ва барокатуҳу», деди. У зот унинг саломига алик олдилар. У ўтиргач, «Ўттизта», дедилар».
Абу Довуд ва Термизий ривояти. Термизий ҳасан ҳадис, дедилар.
Шарҳ: Саломнинг мартабаси бўлиб, унга алик олишдаги савоб ҳам тафовутли бўлади. Имом Абу Довуд Саҳл ибн Муъознинг отаси орқали қилган ривоятларида «Мағфиротуҳу» сўзи зиёда бўлгани собит келган.
«Сўнгра бошқа киши келиб: «Ассалому алайкум ва роҳматуллоҳи ва барокатуҳу ва мағфиротуҳу», деб айтганида, у зот: «Қирқта», деб айтдилар».
Фазилатлар шу кўринишда бўлади.
864 - عَنْ عِمْرَانَ بْنِ الحُصَينِ رَضِيَ اللهُ عَنْهُمَا قَالَ: جَاءَ رَجُلٌ إِلَى النَّبِيِّ صَلَّى اللهُ عَلَيهِ وَسَلَّمَ فَقَالَ: السَّلَامُ عَلَيكُمْ، فَرَدَّ عَلَيْهِ ثُمَّ جَلَسَ، فَقَالَ النَّبِيُّ صَلَّى اللهُ عَلَيهِ وَسَلَّمَ: «عَشْرٌ» ثُمَّ جَاءَ آخَرُ فَقَالَ: السَّلَامُ عَلَيكُمْ وَرَحْمَةُ اللهِ، فَرَدَّ عَلَيهِ فَجَلَسَ، فَقَالَ: «عِشْرُونَ»، ثُمَّ جَاءَ آخَرُ فَقَالَ: السَّلَامُ عَلَيكُمْ وَرَحْمَةُ اللهِ وَبَرَكَاتُهُ، فَرَدَّ عَلَيهِ فَجَلَسَ، فَقَالَ: «ثَلَاثُونَ». رَوَاهُ أَبُو دَاوُدَ وَالتِّرْمِذِيُّ وَقَالَ: حَدِيثٌ حَسَنٌ [د 5195، ت 2689].