896. Абу Мусо розияллоҳу анҳудан ривоят қилинади:

Яҳудийлар Расулуллоҳ соллаллоҳу алайҳи васаллам ҳузурларида акса уриб, у зотнинг «Ярҳамукумуллоҳ», (яъни, «Аллоҳ сизларга раҳм қилсин»), дейишларини умид қилишар эди. У зот эса: «Яҳдийкумуллоҳу ва юслиҳу балакум», (яъни, «Аллоҳ сизни ҳидоят қилиб, шаънингизни ислоҳ этсин»), деб айтардилар.

Абу Довуд ва Термизий ривоятлари. Термизий ҳасан, саҳиҳ ҳадис дедилар.

Шарҳ: Мусулмон бўлмаганлар акса урганида уларга ташмит «Ярҳамукумуллоҳ», (яъни, «Аллоҳ сизларга раҳм қилсин») деб айтилмайди. Балки уларга «Яҳдийкумуллоҳу ва юслиҳу балакум», (яъни, «Аллоҳ сизни ҳидоят қилиб, шаънингизни ислоҳ этсин»), деб айтилади.