1881. Салмон Форсий розияллоҳу анҳудан ривоят қилинади:
«Салмон шундай деди: «Қўлингдан келса, ҳеч қачон бозорга биринчи бўлиб кирмагин ва охирги бўлиб чиқмагин, чунки у шайтоннинг жанггоҳи, у байроғини ўша ерга тикади».
Имом Муслим ривояти.
Имом Барқоний «Саҳиҳ»ларида Салмондан қилган ривоятларида, Расулуллоҳ соллаллоҳу алайҳи васаллам: «Сен бозорга аввалгилардан бўлиб кирувчи ва охиргилардан бўлиб чиқувчи кимса бўлма! Чунки шайтон бозорга тухум қўйиб ўша ерда жўжа очади», дедилар.
Шарҳ: «Шайтон бозорга тухум қўйиб ўша ерда жўжа очади», деган сўз киноя бўлиб, бозорлар аслида гуноҳ, фисқу-фужур ва алдовлар маконидир. Шайтон мана шундай разолатга буюриб, васваса қилади. Ҳамда ана шундай ёмон ишларни болалатиб юборади.
1881 - وَعَنْ سَلْمَانَ الْفَارِسيِّ رَضِيَ اللهُ عَنْهُ مِنْ قَولِهِ قَالَ: «لَا تَكُونَنَّ إِنِ اسْتَطعْتَ أَوَّلَ مَنْ يَدْخُلُ السُّوقَ، وَلَا آخِرَ مَنْ يَخْرُجُ مِنْهَا؛ فَإنَّهَا مَعْرَكَةُ الشَّيْطَانِ، وَبهَا يَنْصُبُ رَايَتَهُ. رَوَاهُ مُسْلِمٌ هَكَذَا [2451].
وَرَوَاهُ البَرْقَانِيُّ فِي «صَحِيحِهِ» عَنْ سَلْمَانَ قَالَ: قَالَ رَسُولُ اللهِ صَلَّى اللهُ عَلَيهِ وَسَلَّمَ: «لَا تَكُنْ أَوَّلَ مَنْ يَدْخُلُ السُّوقَ، وَلَا آخِرَ مَنْ يَخْرُجُ مِنْهَا؛ فِيهَا بَاضَ الشَّيْطَانُ وَفَرَّخَ».