1932. Абу Саид ва Абу Ҳурайра розияллоҳу анҳумодан ривоят қилинади:
«Расулуллоҳ соллаллоҳу алайҳи васаллам:
«Жаннат аҳли жаннатга киришса, жарчи шундай нидо қилади: «Сизларга ҳаёт берилди, энди ҳеч қачон ўлмайсизлар. Сизларга соғлик берилди, энди ҳеч қачон касал бўлмайсизлар. Сизларга ёшлик берилди, энди ҳеч қачон қаримайсизлар. Сизларга неъмат берилди, энди ҳеч қачон ғам кўрмайсизлар».
Имом Муслим ривояти.
Шарҳ: Ҳадиснинг давомида қуйидаги қўшимча бор:
Бу – Аллоҳ Зот азза ва жалланинг «Мана шу жаннатингизни қилган амалларингиз туфайли мерос қилиб олдингиз, деб нидо қилинур», деган қавлидир».
1932 - وَعَنْ أَبِي سَعِيدٍ وَأَبي هُرَيْرةَ رَضِيَ اللهُ عَنْهُمَا: أَنَّ رَسُولَ اللهِ صَلَّى اللهُ عَلَيهِ وَسَلَّمَ قَالَ: «إِذَا دَخَلَ أَهْلُ الْجنَّةِ الجَنَّةَ يُنَادِي مُنَادٍ: إِنَّ لَكُمْ أَنْ تَحْيَوْا؛ فَلَا تَمُوتُوا أَبَداً وَإِنَّ لَكُمْ أَنْ تَصِحُّوا، فَلَا تَسْقَمُوا أَبَداً، وَإِنَّ لَكُمْ أَنْ تَشِبُّوا فَلَا تَهْرَمُوا أَبداً، وَإِنَّ لَكُمْ أَن تَنْعَمُوا؛ فَلَا تَبْأَسُوا أَبَداً». رَوَاهُ مُسْلِمٌ [2837].