1188. Ибн Умар розияллоҳу анҳумодан ривоят қилинади:

«Набий соллаллоҳу алайҳи васаллам:

«Тунги намоз икки (ракъат) икки (ракъат)дан. Тонг отиб қолишидан қўрққанинг заҳоти бир ракъат билан тоқ (витр) қил», дедилар».

Муттафақун алайҳ.

Шарҳ: Кечаси намоз ўқиганда ҳар икки ракатда салом бериш яхши экани шу ҳадисдан олинган.

Бу ҳадисни Шофеъий мазҳабидагилар ихтиёр қилишган. Бизнинг ҳанафий мазҳабимизда эса витр уч ракъат ўқилади. Албатта бунга саҳиҳ ҳадислардан далил келтиришган.